Seryoso, laging nakataas ang kilay, nakakatakot at napakaistrikto. Ganito ilarawan ng ilan ang isa sa terror teacher ng Mambugan National High School na si G. Fernanado Timbal.
Pero sino nga ba siya sa likod ng mga pananaw na ito?. Sa una, ganito ko rin ilarawan ang sinansabi nilang terror teacher ngunit ng maging guro siya namin noong ako ay nasa ikawalong baitang nagbago ang aking pananaw. Ang akala kong seryoso at nakakatakot ay isa pa lang masayahin at mapagbirong guro. Sa likod ng kanyang pagiging istrikto ay ang isang malambot at may ginintuang puso na handang magmalasakit sa mga estudyante. Kasabay nito ang mga magagandang payo na hindi mo inaasahang manggagaling sa kanya. Ang bawat tinuturo niya ay tatatak talaga sa isip at puso mo dahil bukod sa mahusay siyang magturo at dahil din isinasabuhay niya sa lahat ng bagay ang mga ito. At may mapupulot kang aral na talaga namang makakatulong sa iyo.
Kaya para sakin, ang G. Timbal na kinakatakutan ng lahat ay ang pinakapaborito at pinaka di ko makakalimutang guro, na isa sa aking inspirasyon upang magpatuloy sa buhay at abutin ang aking mga pangarap.
